“Araz-Naxçıvan” heyətinə yeni qapıçı qatmağı planlaşdırır.

Apasport.az saytının məlumatına görə, Naxçıvan təmsilçisi Semir Bukviçin yerinə daha güclü qolkiper gətirmək istəyir.

Premyer Liqa klubu ilk turun “Turan Tovuz”la (0:3) matçından sonra belə qərar verib. Bukviçin zəif oyunundan narazı qalan “Araz-Naxçıvan” “Yuventus”un sabiq qolkiperi Laurentsiu Konstantin Branesku ilə danışıqlar aparır. 

29 yaşlı futbolçu hazırda klubsuzdur. Maliyyə məsələlərində razılıq əldə edilsə, qapıçı Azərbaycana gəlməyə müsbət yanaşır.

Qeyd edək ki, Branesku “Yuve Stabiya”, “Haladaş”, “Omoniya”, “Dinamo” (Buxarest), “Qoritsa”, “Jalgiris”, “Kilmarnok”, “Politexnika Yaşi”, “Farul Konstanta”, “Universitatya” (Kluj), “Atromitos” klublarında çıxış edib.

• “Apasport”dan yutub KUPONU
• Qara Qarayev: “Özümdən heç vaxt razı olmayacağam”
• Yay Olimpiya Oyunlarında Azərbaycanın Dövlət Himni səsləndirilib
• “Neftçi”də itki
• "Arsenal"a transfer qadağası