“Fərdi göstəriciləri nəzərə alsaq, Vinisiusun müəyyən üstünlüyü ola bilər. Çünki onun kreativliyi və qolları ilə komandasına verdiyi xeyir daha yüksəkdir”.
Bu sözləri apasport.az saytına açıqlamasında Arif Əsədov deyib.
Təcrübəli mütəxəssis “Qızıl top” mükafatı ilə bağlı fikirlərini bölüşüb: “Vinisiusun ulduz futbolçu profili daha parlaqdır. Amma düşünürəm ki, onun tam yetişmək üçün bir az daha zamanı var. Çünki “Qızıl top” nominasiyasında digər aspektlərə də diqqət yetirilir. Xüsusilə də namizədin oynadığı komanda və qazandığı böyük uğurlar əsas götürülür. Düşünürəm ki, Rodrinin əsas üstünlüyü İspaniya millisi ilə Avropa çempionu olmasıdır. Vinisiusun isə Braziliya yığması ilə heç bir uğuru yoxdur. Klub səviyyəsində hər iki futbolçu 1 il ara ilə Çempionlar Liqasını qazanıb. Əslində onları tam müqayisə etmək də doğru olmazdı. Çünki fərqli mövqelərdə çıxış edən futbolçulardır. Hücumçu olduğu üçün Vinisiusun daha çox qol vurması normaldır. Şəxsi fikrimdir ki, hər iki oyunçu Lionel Messi və Kriştiano Ronaldodan xeyli geri qalır. Onlar “Qızıl top”u digərlərindən aşkar fərqlə qazanırdılar. Rodri və Vinisiusun isə zamana və daha çox təcrübəyə ehtiyacları var”.
Qeyd edək ki, Vinisius və “Real” “Qızıl top”un təqdimat mərasimini baykot edərək tədbirə gəlməyib.
İsmayıl Xeyrullayev
Oxşar xəbərlər
Ana səhifə
Bütün xəbərlər
Hesabım