“Barselona” tarixində 27-ci dəfə İspaniya çempionu olub.

Apasport.az saytının məlumatına görə, 34-cü turda “Espanyol”u 4:2 hesabı ilə məğlub edən Xavinin komandası qızıl medalları təmin edib.

Bu, Kataloniya klubunun kapitanı Serxio Busketsin komandada 32-ci tituludur. O, 9 çempionluq, 7 kubok, 7 Superkubok, 3 Çempionlar Liqası, 3 UEFA Superkuboku və 3 klublararası dünya çempionluğu əldə edib.

Buskets “Barselona”dakı titul sayında Andres İnyestaya çatıb. Hər iki oyunçu klubda 32 uğur əldə edib.

Qeyd edək ki, “Barselona”da ən çox titula Lionel Messi sahib çıxıb – 35 dəfə. 
 

• AFFA Yüksək Qızlar Liqasında mövsümə yekun vurulub
• Ronaldo bağışlanıldı
• Dzekoya Asiyadan təklif
• "Napoli" Qollinidən razıdır
• Hacı Əliyev karyerasını bitirib