Manuel Noyer uzun fasilədən sonra Çempionlar Liqası matçında meydana çıxıb.

Apasport.az xəbər verir ki, “Bavariya”nın qapıçısı 2022-ci ilin oktyabrından bəri ilk dəfə qitənin bir nömrəli klub turnirində forma geyinib.

37 yaşlı qolkiper turnirin qrup mərhələsinin 4-cü turunun "Qalatasaray"la (2:1) oyununda komandanın start heyətində yer alıb. Uzun müddət zədələrlə mübarizə aparmalı olan alman çərçivə qoruyucusu ötən ilin payızından bəri ilk dəfə turnirdə çıxış edib. O, sonuncu dəfə 4 oktyabr 2022-ci ildə “Viktoria Pilzen”ə qarşı matçda çıxış etmişdi.

Qeyd edək ki, Noyer bundan əvvəl oktyabrın 28-də “Darmştadt”la (8:0) Bundesliqa görüşündə meydana çıxaraq son 10 ayda ilk dəfə “Bavariya”nın qapısını qoruyub.

• Aleksandr Çertoqanov: “Onları Azərbaycan millisinə dəvət etmək mümkündür” - MÜSAHİBƏ
• Ekspress KUPONU
• Salemakers “Bolonya”da
• Xüsusi təklif və endirim: UFC həyəcanını Setanta Sportsda yaşayın!
• Norveç KUPONU