“Əkbər Hacıyev deyib ki...”
16.05.2009 - 00:33
“Əkbər Hacıyev deyib ki...”
"Komandamızın düşdüyü vəziyyətin səbəbkarı alman məşqçi Hans-Yurgen Gededir. Biz onu tez çıxarsaydıq, kuboku qazanardıq. Böyükağa Ağayevi baş məşqçi postuna təyin etməyə bir qədər yubandıq. Görürsünüz ki, o gələndən sonra komanda yaxşı təsir bağışlayır. Bizimlə 1 illik müqaviləsi var”. Apasport.az saytının məlumatına görə, bu sözləri “Neftçi” klubunun vitse-prezidenti İlqar Quluzadə deyib.

Gələn ilin mart ayınadək Ağayevlə birgə işləyəcəklərini bildirən vitse-prezidentin fikrincə, yaxın zamanlarda məşqçi dəyişmək niyyətində deyillər: “Nəticələrdən də çox şey asılıdır. Klub prezidenti Əkbər Hacıyev də bildirib ki, tez-tez məşqçi dəyişmək komandanın ziyanınadır. Ağayev yalnız öz işi ilə məşğuldur. Futbolçular da bir təcrübəli məşqçi kimi onun hörmətini saxlayırlar. Foqtsun "Neftçi"yə keçəcəyini deyənlər faktla danışmalıdırlar. Bunlar yalnız söz-söhbətlərdir. Klubun içərisindən xəbəri olmayanlardır belə şayiələri yayanlar. Yunis Hüseynova da hörmətim var. Öz işini bilən məşqçidir. Amma onunla da danışıqlarımız olmayıb. İndi bizim başımız komandanın komplektləşdirilməsinə qarışıb".
0