UEFA “Qalatasaray”ın müraciətinə müsbət cavab verdi

12.03.2013 - 00:06

UEFA “Qalatasaray”a icazə verib. Apasport.az saytının məlumatına görə, ali futbol qurumu Çempionlar Liqasının 1/8 final mərhələsinin “Şalke” ilə cavab oyun günündə qarşılaşacaq “Cim-Bom”a matçdan əvvəl meydana qollarında qara sarğı ilə çıxmasına icazə verib. Buna isə Almaniyada 8 türkün dünyasını dəyişməsi səbəb olub.

Qeyd edək ki, daha əvvəl “Qalatasaray” bununla əlaqədar olaraq UEFA-ya müraciət etmişdi.

“Şalke” – “Qalatasaray” matçı martın 12-də Bakı vaxtı ilə saat 23:45-də başlayacaq. İlk oyun isə 1:1 hesablı bərabərliklə başa çatıb.