“Bizə bir neçə dəqiqə lazım ola bilər”

12.03.2013 - 03:12

“Barselona”nın məşqçisi Xordi Roura Çempionlar Liqasının 1/8 final mərhələsinin cavab oyun günündə “Milan”la matçdan əvvəl mətbuat konfransı təşkil edib. Apasport.az saytının məlumatına görə, Kataloniya klubunun baş məşqçisi Tito Vilanovanın köməkçisi qarşılaşma haqqında öz fikirlərini bölüşüb.

O, matçda ortaq məxrəci tapmaq lazım olduğunu bildirib: “Qələbəyə intensivliyin və cəhdin arasında balansı tapmaq, həmçinin onu tələsməklə dolaşıq salmamaq çox əhəmiyyətlidir. Ortaq məxrəci tapmaq lazımdır. Matç 90 dəqiqə davam edir, biz soyuq başla oynamalıyıq və həmçinin konsentrasiyanı itirmək haqlarına malik deyilik. Anlamaq əhəmiyyətlidir ki, iki qol vurmaq üçün bir neçə dəqiqə lazım ola bilər”.

Roura zədəsini sağaldıb sıralara dönən Xavinin oyunyıb-oynamayacağı ilə də bağlı fikirlərini səsləndirib: “Xavi dizaltı vətərinin zədəsindən qurtulub. Lakin “Milan”la oyunu ehtiyatda başlaya bilər. O, yenidən aramızdadır. Lakin onun ilk dəqiqələrdən oynayıb-oynamayacağı məlum deyil”.

Qeyd edək ki, “Barselona” – “Milan” matçının ilk oyun günüdə İtaliya klubu 2:0 hesabı ilə qalib gəlmişdi.