455 gündən sonra

12.03.2013 - 09:31

Topaz Premyer Liqasının XXIII turunda “Turan”ı 4:0 hesabı ilə darmadağın edən “Sumqayıt” mövsümdə ilk böyükhesablı qələbəsini qazanıb. Apasport.az saytının məlumatına görə, əvvəlki 22 turda “Gənclik şəhəri” təmsilçisinin belə qələbəsi yox idi.

Ümumiyyətlə isə sumqayıtlılar Premyer Liqada 2-ci dəfə böyük hesaba sevinib. Onlar ilk belə uğurunu debüt mövsümündə - 2011/12-də əldə etmişdi. Həmin vaxt “Sumqayıt” “Kəpəz” üzərində qələbə qazanmışdı. Bu, 2011-ci il dekabrın 11-də baş vermişdi. 4:1 hesablı qələbədən sonra sumqayıtlılar növbəti böyükhesablı qələbəni 455 gün gözləməli oldu.