“Bundan öncəki görüşlərdə bizim bəxtimiz gətirmirdi”

12.03.2013 - 10:57

“Əgər turnirdə oynadığımız bütün matçlarımızı müqayisə etsək, onda bu gün biz yaxşı oyun nümayiş etdirmişik”. Apasport.az saytının məlumatına görə, bunu 19 yaşadək qız futbolçulardan ibarət komandamızın (U-19) hücumçusu Melis Sarıaltın deyib.

Millimizin “Köln”də çıxış edən futbolçusu Estoniyadan olan həmkarlarına 1:0 hesabı ilə qalib gəldikləri matç haqda danışıb. Almaniya doğumlu olan Melis əvvəlki 3 qarşılaşmada da məğlubiyyətə layiq olmadıqlarını düşünür: “Bizim yaxşı komandamız var. Sadəcə olaraq bundan öncəki görüşlərdə bizim bəxtimiz gətirmirdi”.

Qeyd edək ki, U-19 Soçi şəhərində təşkil olunan “Kuban baharı” turnirinin qrup mərhələsində Rumıniya (0:1), Estoniya (0:2) və Ukraynaya (0:2) yenilmişdi. Estonlarla 2-ci qarşılaşma 9-12-ci yerlər uğrunda baş tutub.