Yens Keller hakimdən narazı qaldı

13.03.2013 - 07:17

Çempionlar Liqasının 1/8 final mərhələsində “Qalatasaray”a 3:2 hesabı ilə məğlub olub turnirlə vidalaşan “Şalke”nin baş məşqçi Yens Keller matçdan sonra fikirlərini ifadə edib. Apasport.az saytının məlumatına görə, 42 yaşlı çalışdırıcı hakimin əlehlərinə qərar verdiklərini iddia edib.

Alman mütəxəssis futbolçularının meydanda az güc sərf etdiklərini bildirib: “İlk yarıda tamamilə yatdıq. Oyunda özümüzü hiss edə bilmədik. Rəqibi həmişə arxadan təqib etdik. Hər şeyə baxmayaraq depressiyaya girmək üçün bir səbəb yoxdur. Bir penaltimiz verilmədi. Hakimin idarəçiliyi yaxşı deyildi. Amma bu ilk hissəndə baş verdi. Hər kəs gücünün 10%-ini, ya da daha azını meydanda qoydu. İkinci yarıda isə yaxşı mübarizə apardıq. Onlar yarımmüdafiədə tamam başqa bir düzülüşdə çıxış etdilər və bu da bizim üçün sürpriz oldu”.