Bakı klubunun növbəti sınağı

18.06.2013 - 05:50

Bu gün “İnter”in təşkilatçılığı ilə İBA Cup U-14 turnirinin növbəti oyunları keçiriləcək. Apasport.az saytının məlumatına görə, yarışın II günündə II turun bütün 4 görüşləri baş tutacaq.

İlk matçda Almaniya klubuna minimal hesabla məğlub olan “İnter” bu dəfə “Beşiktaş”la üz-üzə gələcək. A qrupunun digər oyununda isə “Ayntraxt” “Karpatı” ilə münasibətlərinə aydınlıq gətirəcək.

B qrupunda isə “Dinamo” “Vilyarreal”ı, “Yurqorden” “Partizan”ı sınağa çəkəcək.

Qeyd edək ki, turnirin bütün oyunları “Şəfa” stadionunda keçirilir.

18 iyun
A qrupu
09:30. “İnter” (Bakı, Azərbaycan) - “Beşiktaş” (İstanbul, Türkiyə)
20:00” “Ayntraxt”(Frankfurt, Almaniya) - “Karpatı”(Lvov, Ukrayna)

B qrupu
11:00. “Dinamo” (Tbilisi, Gürcüstan) - “Vilyarreal” (Vilyarreal,İspaniya)
12:30. “Yurqorden” (Stokholm, İsveç) - “Partizan (Belqrad, Serbiya)