DÇ-2014-ün seçmə mərhələsi çərçivəsində millimizin rəqiblərindən olan Rusiya yığmasının baş məşqçisi Fabio Kapello komandadan gedir. Apasport.az saytının məlumatına görə, 67 yaşlı mütəxəssis bundan sonra PSJ-ni çalışdıracaq.

“SKY İtalia” telekanalı iddia edir ki, Fransa çempionları Kapellonu onun həmyerlisi Karlo Ançelottinin postunda əvəz etməyə inandırmağı bacarıblar. Paris klubunun hazırkı çalışdırıcısı isə “Real”a gedir.

PSJ Kapello ilə 1 illik müqavilə imzalayacaq. Parislilər Rusiya Futbol İttifaqına isə 3 milyon avro kompensasiya ödəyəcəklər.

Qeyd edək ki, Fabio Kapello 2012-ci ildə Rusiya yığmasına başçılıq edir. O, sonuncu dəfə klub olaraq “Real”ı (2006-2007) çalışdırıb.

• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur
• “Tanrının əli” topu 3,3 milyon dollara satıldı
• "Barselona"dan Qavi açıqlaması