Türkiyə Futbol Federasiyası legionerlərlə bağlı qərar qəbul edib. Apasport.az saytının məlumatına görə, qurum I dəstədə çıxış edən komandaların heyətində Azərbaycan, Qazaxıstan, Qırğızıstan, Türkmənistan və Özbəkistandan olan futbolçulara güzəşti qüvvədə saxlayıb.

Belə ki, növbəti mövsümdə də hər bir klub bu ölkələrdən ən çox 2 futbolçunu heyətinə qata bilər. Komandalar bu 2 güzəştli oyunçudan başqa 3 legioner transfer etmək hüququna malikdir. Yəni oyunun 18 nəfərlik protokoluna 2-si postsovet məkanının türkdilli ölkələrindən olmaqla ən çoxu 5 əcnəbi futbolçu daxil edilə bilər.

Superliqaya gəlincə, növbəti mövsümdə iştirak ərizəsinə 10, oyun protokoluna 6 legioner yer ala biləcək. Artıq 2014/15 mövsümündə isə bu rəqəmlər müvafiq olaraq 8 və 5-ə endiriləcək.

Qeyd edək ki, I liqada güzəşt 2004-cü ildən tətbiq olunur. “Dənizlispor” azərbaycanlı futbolçular Rail Məlikovla Arif İsayevi heyətinə qatmaqla bu güzəştdən tam istifadə edir. Millimizin hücumçusu Branimir Subaşiç “Orduspor”la müqavilə bağlayacağı ilə orda daha bir təmsilçimiz olacaq.

• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur
• “Tanrının əli” topu 3,3 milyon dollara satıldı
• "Barselona"dan Qavi açıqlaması