Konfederasiyalar Kubokunun qrup oyunlarında keçirilən Braziliya – Meksika matçının ən yaxşı oyunçusu müəyyənləşib. Apasport.az saytının məlumatına görə, bu, meydan sahiblərinin gənc hücumçusu Neymardır.

21 yaşlı futbolçu 2:0 hesabı ilə qələbə qazandıqları görüşün 9-cu dəqiqəsində hesabı açıb. Matçın son dəqiqələrində isə “Barselona”nın yeni transferi komanda yoldaşı Jonun fərqlənməsinə kömək edib.

Beləliklə, 1 qol və 1 ötürmənin müəllifi olan Neymar gecənin ən yaxşı oyunçusu seçilib.

Qeyd edək ki, turnirin açılış matçında Yaponiya ilə görüşdə komandasının ilk qoluna imza atan Neymar həmin oyunun da qəhrəmanı olmuşdu.

• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur
• “Tanrının əli” topu 3,3 milyon dollara satıldı
• "Barselona"dan Qavi açıqlaması