İngiltərənin “Arsenal”, Portuqaliyanın “Porto” və İtaliyanın “Napoli” klubları ilə mövsüm öncəsi “Emirates Cup” turnirində qarşılaşacaq olan “Qalatasaray” daha bir yoldaşlıq görüşündə qüvvəsini sınayacaq. Apasport.az saytının məlumatına görə, “Cim-Bom” İngiltərənin aşağı divizionunda mübarizə aparan “Notts Kaunti” ilə üz-üzə gələcək.

Matç iyulun 16-da baş tutacaq. Qarşılaşma Nottinqem şəhərinin “Midou Leyn” stadionunda keçiriləcək.

Hazırda ingilis klubu Türkiyəni Çempionlar Liqasında təmsil edəcək “aslnalar”la oyun üçün biletlərin qiymətlərini də açıqlayıb. Stadionda oyunu izləyən azarkeşlər 5-15 funt-sterlinq arasında dəyişən biletləri ala biləcəklər.

Qeyd edək ki, “Emirates Cup” turniri avqust ayında Londonda keçiriləcək.

• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur
• “Tanrının əli” topu 3,3 milyon dollara satıldı
• "Barselona"dan Qavi açıqlaması