Dünəndən Avstriyada hazırlıqlara başlayan “Neftçi”nin Rusiyanın “Volqa” klubu ilə qarşılaşmayacağı dəqiqləşib. Apasport.az saytının məlumatına görə, bu gün səhər saatlarından həmin ölkəyə gedəcək Nijni-Novqorod təmsilçisinin sınaqçı rəqibləri arasında çempionumuzun adına rast gəlinmir.

Belə ki, Avstriyada “Moisl” otelində qalacaq Rusiya elitasının iştirakçısı iyulun 5-dək hazırlıq keçdiyi müddətdə 6 yoxlama oyunu keçirəcək. Ötən mövsümü 12-ci pillədə tamamlayan “Volqa” iyunun 25-də “Podbrezova” (Slovakiya) və “Şkenderbeu” (Albaniya), 28-də “Videoton” (Macarıstan) və “Red Bull”un 2-ci komandası (Avstriya), iyulun 1-də “Kluj” (Rumıniya) və 4-də “Vaslui” (Rumıniya) ilə gücünü sınayacaq.

Qeyd edək ki, Avstriyada 6 yoxlama oyunu keçirəcək “Neftçi”nin iyulun 10-da “Vaslui” ilə qarşılaşacağı dəqiqdir.

• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur
• “Tanrının əli” topu 3,3 milyon dollara satıldı
• "Barselona"dan Qavi açıqlaması