21 yaşadək futbolçulardan ibarət Azərbaycan millisinin qələbə həsrəti başa çatıb.

Apasport.az saytının məlumatına görə, bu gün Estoniyanı qəbul edən Milan Obradoviçin yetirmələri AVRO-2023-ün seçmə tsiklində ilk dəfə qalib gəlib.

İlk altı matçda cəmi 1 xal qazanan yığmamız 10 oyunluq qələbəsizlik seriyasını 3 cavabsız qolla qırıb. Komanda ötən tsiklin son 4 qarşılaşmasında ümumiyyətlə xal görməmişdi.

Millinin son uğuru 2019-cu il noyabrın 14-də qeydə alınmışdı. Evdə Lixtenşteyni 1:0 hesabı ilə yenən yığma növbəti uğuru 862 gün gözlənəli olub.

Qeyd edək ki, Estoniya üzərində 3:0 hesablı qələbə zamanı iki qola Musa Qurbanlı, digərinə Abdullah Xaybulayev imza atıb.
 

• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur
• “Tanrının əli” topu 3,3 milyon dollara satıldı
• "Barselona"dan Qavi açıqlaması