21 yaşadək futbolçulardan ibarət Azərbaycan millisi bu gün növbəti matçına çıxacaq.

Apasport.az saytının məlumatına görə, yığmamız Avropa çempionatlarının seçmə mərhələlərində 119-cu matçına çıxacaq.

Komandamız Estoniya ilə üz-üzə gələcək. Milan Obradoviçin yetirmələri bu görüşə uğursuz seriya ilə çıxmaq məcburiyyətindədir.

Milli son 10 matçda qalıb gəlməyib. Bu müddətdə 1 heç-heçəsi olan komanda 9 dəfə uduzub.

Tarixi ərzində 13 qələbəsi olan yığma heç cür bu nəhs rəqəmi arxada qoya bilmir. 10 matçdır 14-cü uğuru təxirə düşən yığmanın aktivində 20 heç-heçə və 85 məğlubiyyət də var.

Cəmi 67 qol vuran komanda dördqatından artığını – 275-ni buraxıb. Texniki nəticələr top fərqində nəzərə alınmayıb.
 

• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur
• “Tanrının əli” topu 3,3 milyon dollara satıldı
• "Barselona"dan Qavi açıqlaması