Qadın voleybolçular arasında Çempionlar Liqasında növbəti matçlar keçirilib. Apasport.az saytının məlumatına görə, turun ilk oyun günündə Azərbaycan çempionu “Azərreyl”in rəqiblərindən  “Sen-Rafael” (Fransa) “Dabrova Qornitsa”nı (Polşa) qəbul edib.

V tur çərçivəsində keçirilən matç qonaqların qələbəsi ilə başa çatıb. İlk oyunda Bakı təmsilçisinə 1:3 hesabı ilə uduzan polşalılar “Sen-Rafael”i eyni hesabla məğlub ediblər – 3:1 (25:18, 25:15, 20:25, 25:22).

Bu qələbə “Dabrova Qornitsa”nı qrupda 3-cü edib.

“Azərreyl” isə II turun oyununa bu gün çıxacaq.

Qeyd edək ki, qarşılıqlı razılaşmaya əsasən Polşa və Fransa klubları ev oyunlarının yerini dəyişiblər. Bu səbəbdən də onlar V turun matçını keçiriblər.