İtaliyada keçirilən qadın voleybolçular arasında dünya çempionatı davam edir. Apasport.az saytının məlumatına görə, bu gün ikinci qrup mərhələsinin oyunlarına start verilib.

İlkin qrup mərhələsini 4-cü yerdə başa vuran millimiz də bu gün meydana çıxıb. Komandamız A qrupunu lider kimi adlayan ev sahibləri ilə üz-üzə gəlib. İlk 5 turda yalnız Dominikan Respublikasına 2:3 hesabı ilə uduzan təşkilatçı ölkənin voleybolçuları komandamız üçün çox ciddi rəqiblərdən biri sayılırdı. 

Bari şəhərinin "PalaFlorio" salonunda baş tutan qarşılaşmada qızlarımız 3:1 hesabı ilə uduzub.

Dominikan Respublikası Belçikanı (3:2), Xorvatiya Yaponiyanı (3:2) və Çin Almaniya yığmasını (3:0) məğlub edib.

Qeyd edək ki, II qrupda hər bir yığmaların ilk mərhələdə "4-lük" komandaları ilə matçlarda qazandıqları xallar da saxlanılır.

II qrup mərhələsi

E qrupu

1 oktyabr

I tur

Dominikan Respublikası - Belçika - 3:2 (25:17; 25:22; 22:25; 22:25; 15:6)

Bari. "PalaFlorio" salonu.

Xorvatiya - Yaponiya - 3:2 (18:25; 25:23; 25:27; 25:20; 15:8)

Trieste. "PalaTrieste" salonu.

İtaliya - Azərbaycan - 3:1 (25:19; 25:21; 21:25; 25:23)

Bari. "PalaFlorio" salonu.

Almaniya - Çin - 0:3 (16:25; 23:25; 23:25)

Trieste. "PalaTrieste" salonu.